Boksieri i talentuar nga radhët e KBOX ” Prizreni”, Ensar Badalli, do të përfaqësoj Kosovën në Kampionatin Evropian të boksit për shkollarë dhe shkollare, i cili do të mbahet në qytetin, Erzurum të Turqisë nga dita e premte deri më 21 gusht të këtij viti, njofton faqja zyrtare e klubit prizrenas.
“Të nderuar, Ensar Badalli nga data 10.08 – 21.08.2022 si perfaqësues i Reprezentacionit të Kosovës në boks, do të jetë në kampionation Evropian te boksit për shkollarë dhe shkollare (EUBC Schoolboys and Schoolgirls Boxing Championships) në Erzurum të Turqisë. Për t’i uruar një rrugë dhe qëndrim të mbarë në këtë kampionat , ftojmë komunitetin e sportit të boksit që me 09.08.2022 duke filluar nga ora 19:30, në sallën e stervitjes së KBOX Prizreni, të jeni pjesë e ketij eventi. Ju mirëpresim.”, thuhet në fund të njoftimit nga KBOX ” Prizreni”.
