Nënkryetarja e Kuvendit të Kosovës, Saranda Bogujevci, ka thënë se në histori të Kuvendit nuk është mbajtur asnjë seancë ku janë është trajtuar temat e seksizimit dhe ngacmimeve.

“Është e rëndësishme që të diskutohet haptazi, të flitet për këto gjëra dhe mendoj se edhe ne si deputetë, jo vetëm gratë por edhe burrat, duhet të adresojmë këtë çështje. E kemi diskutuar kohët e fundit që në fakt, duke parë punimet e Kuvendit, deri tash nuk ka pasur asnjë seancë që trajton çështjen e seksizimit e ngacmimeve. Është diçka që kemi diskutuar dhe duhet të adresojmë”, ka thënë Bogujevci në Desk të KOHËS.