Profesori univesitar Blerim Latifi i ka reaguar ashpër kryetarit të komunës së Mitrovicës së Jugut, Agim Bahtirit, i cili një ditë më herët tha s aka siguar një doancion për ndërtimin e 40 shtëpive në fshati nfrashër të kësaj komune.
Latifi ka shkruar në faqen e tij në Facebook, duke thënë se Qatar Charity, me të cilën ka bërë marrëveshje komuna e Mitrovicës dyshohet për financimin e organizatave terroriste në botë.Reagimi i plotë i Blerim Latifit.
“Agim Bahtiri, kryetari i Mitrovicës, paska bërë marrëveshje me Qatar Charity për ndërtimin e 40 shtëpive në fshatin Frashër të këtij qyteti. Në kompleks qenka paraparë që të vendoset edhe një qendër për nevojat e kësaj organizate. A i ka tregu dikush Bahtirit se kjo organizatë akuzohet se e shfrytëzon rrjetin e saj ndërkombëtar të bamirësisë për të transferuar financa për grupet që nxisin dhe organizojnë aktivitete terroriste nëpër botë?
A e di ky Agim Bahtiri se interesi kombëtar është më i rëndësishëm se 40 shtëpi për njerëzit e varfër, të cilët i kanë zhytur në mjerim qeverisjet katastrofale të shumë bahtirëve në Kosovë, e tash janë të detyruar të pranojnë lëmoshën e kushtëzuar të organizatave të dyshimta të Lindjes së Mesme?
A ka ky vend mekanizma që e mbrojnë interesin kombëtar të tij, apo duhet të presim që të fundosemi krejtësisht në humnerë, e pastaj të kërkojmë që ata të cilët dje na shpëtuan nga gjenocidi serb, të ndërhyjnë përsëri për ta na shpëtuar, kësaj rradhe nga budallakitë tona vetëvrasëse?
Klikoni KËTU për tu bërë pjesë e kanalit të TV Prizreni në Youtube.
