Mijëra përdorues të Facebook kanë raportuar ndërprerje dhe probleme të shumta në rrjetin social më të madh në botë.
Ka pasur shumë raportime për ndërprerje të Facebook në 24 orët e fundit, sipas Down Detector.
Shumë prej tyre kanë hyrë në Twitter për të raportuar problemet e tyre – me fotot e faqes së internetit të Facebook që tregojnë një mesazh gabimi që thotë ‘më falni, diçka shkoi keq’.
Mesazhi vazhdon tutje: “Ne jemi duke punuar për ta rregulluar këtë sa më shpejt që të mundemi”.
Një përdorues postoi në Twitter: #Facebook bie përsëri. Tani jam i detyruar të bëj një punë të vërtetë”.
Kjo është hera e dytë në javët e fundit që faqja ka rënë.
Përdoruesit raportuan më 19 nëntor se Facebook-u dhe Instagram-i nuk funksionuan – me probleme që vazhdojnë të shqetësojnë firmat e teknologjisë.
Sipas DownDetector, mijëra njerëz kishin probleme me faqet e mediave sociale.
Është thënë se është prekur edhe aplikacioni i mesazheve WhatsApp.
Klikoni KËTU për tu bërë pjesë e kanalit të TV Prizreni në Youtube.
