Presidentja e Kosovës, Vjosa Osmani, dhe kryeministri, Albin Kurti, kanë marrë rrugën për në Shtetet e Bashkuara të Amerikës.
Atje të dy, me ftesë të familjes Albright, do të marrin pjesë në ceremoninë e varrimit të ish-sekretares amerikane, Madeleine, e cila ndërroi jetë në moshën 84-vjeçare më 23 mars.
Presidenti Joe Biden do të mbajë një eulogji për Madeleine Albright, të mërkurën në Katedralen Kombëtare të Washingtonit, ku do të flasin edhe ish-presidenti Bill Clinton dhe bashkëshortja e tij, ish-sekretarja e Shtetit, Hillary Clinton.
