Janë betuar rekrutët e rinj të Forcës së Sigurisë së Kosovës – gjenerata 01/2025.
Presidentja Vjosa Osmani ka thënë se FSK-ja është përkushtim ndaj sigurisë dhe garanci për paqen.
- Reklama -
“Sot 344 djem e vajza u bashkohen radhëve të FSK-së duke u bërë pjesë e një misioni të tyre të shenjtë të mbrojtjes së atdheut, garantimit të sigurisë dhe mbështetjes së paqes në vendin tonë dhe përtej”, ka thënë ajo para rekrutëve.
Komandantja supreme u drejtua tutje ushtarëve se me përgatitjen ushtarake e profesionale të tyren, Kosova dëshmon se ka ushtri të fortë e të denjë për të qenë pjesë e strukturave të mbrojtjes dhe sigurisë ndërkombëtare.
- Reklama -