Besimtarët mysliman sot kanë nisur agjërimin e muajit të bekuar Ramazan. Kryetari i Bashkësisë Islame të Kosovës, Myftiu Naim Tërnava, i është adresuar opinionit publik dhe gjithë besimtarëve myslimanë me mesazh urimi me rastin e fillimit të muajit të bekuar Ramazan.
Besimtarët mysliman nisin agjërimin e Ramazanit
Myftiu Tërnava ka theksuar se Ramazani është një muaj madhështor në të cilin shumëfishohen veprat e mira dhe falen mëkatet për ata që agjërojnë dhe falin namazin me besim dhe devotshmëri. Sipas tij, agjërimi ka shumë dobi dhe urtësi.
“Duke e bërë agjërimin në formën më të mirë, besimtari e fisnikëron moralin, durimin, bujarinë dhe përpjekjet në atë që e kënaq Zotin. Muaji Ramazan është një mundësi që vjen vetëm një herë në vit, andaj ta shfrytëzojmë këtë mundësi dhe të përfitojmë prej tij, sikur të jetë Ramazani i fundit që do ta përjetojmë. Urime, shëndet dhe mbarësi për të gjithë besimtarët kudo që janë! Agjërim të lehtë dhe të pranuar te Zoti”, ka theksuar ai.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Kos e habitur që Paunoviqi vazhdon të jetë ministre
Kosova dorëzon raportin për zbatimin e reformave nga Plani i Rritjes
Haliti i LDK-së: Nënshkrimet ende nuk janë verifikuar, takimi i sotëm ishte rutinor
