Një qytetar ka publikuar disa pamje nga djegia e kabllove elektrike të një shtylle të rënë në rrethojat e rezervuarit të ujit në fshatin Kabash të Hasit.
Sipas tij, kjo shtyllë u dëmtua para një muaji, si pasojë e erës së fortë, ku ekipet e KEDS-it i larguan kabllot nga rruga dhe një pjesë e madhe e tyre ra në rrethojat e rezervuarit të ujit.
Ai ka kërkuar nga KEDS-i, në emër të banorëve të fshatit Kabash të Hasit, që të intervenojnë sa më herët që është e mundshme, pasi sipas tij rreziku nga këto kabllo tashmë është shumëfishuar.
“Qysh para një muaji kur ishte një frymë pak më e madhe, ndër disa dëmtime në rrjetin elektrik, u dëmtua edhe kjo shtyllë në fshatin Kabash i Hasit, dhe ekipet e KEDS Energy e kanë larguar kabllon nga rruga, dhe pjesa më e madhe e saj kishte ra në rrethojat e rezervuarit të ujit (foto 1 dhe 2 kur para një muaji) dhe videot sot kur u dogjë kabllo. Kërkojmë ndërhyrje të menjëhershme nga KEDS, tashmë rreziku nga kjo kabllo është shumëfishuar.”, shkruan qytetari Fejze Kabashi në Facebook./TVPrizreni/
Klikoni KËTU për tu bërë pjesë e kanalit të TV Prizreni në Youtube.
