Agjencia kundër Korrupsionit sot ka publikuar regjistrat e deklarimit të pasurisë për zyrtarët e lartë publik për vitin 2021, raporton Gazeta Sinjali.
Nga numri i përgjithshëm i zyrtarëve të lartë publik që kanë pasur për obligim ta deklarojnë pasurinë, 4684 zyrtarë të lartë publikë kanë bërë deklarimin e pasurisë brenda afatit të rregullt ligjor, 50 zyrtarë e kanë deklaruar pasurinë pas afatit të rregullt ligjor, ndërsa 14 prej tyre nuk e kanë deklaruar pasurinë deri më tani.
Rita Augestad Knudsen, bashkëshortja e kryeministrit Albin Kurti, është shumë më e pasur se bashkëshorti i saj. Një apartament që ka në pronësi, kushton rreth 400 mijë euro, pavarësisht se për blerjen e tij ka një kredi në vlerë 290 mijë euro. Këtë kredi e ka marrë për 25 vite.
Bashkëshortja e kryeministrit ka edhe para të gatshme në bankë. Ajo ka deklaruar se ka të kursyera 23 mijë euro në një bankë në Oslo të Norvegjisë. Të hyrat vjetore të saj sillen rreth 39 mijë e 200 euro.
Kështu thuhet në regjistrin për deklarimin e pasurisë të kryeministrit Albin Kurti, të publikuar nga Agjencia Kundër Korrupsionit.
