Kandidatja për deputete e Lidhjes Demokratike të Kosovës, Hykmete Bajrami, ka thënë se rënia e daljes së qytetarëve në zgjedhjet e 7 qershorit përbën mesazh të qartë për partitë politike.
Sipas saj, qytetarët ndëshkuan Vetëvendosjen që nga 51 për qind ra në 43, por edhe partitë në opozitë që nuk shtuan shumë votë.
“Mosdalja në votime është po ashtu një mesazh i qartë për secilin prej nesh. E lexoj këtë rezultat si protestë qytetare! Abstenimi i tyre është thirrje për reflektim dhe llogaridhënie se pse erdhëm në situatën ku mbajmë zgjedhje për të shkuar përsëri në zgjedhje”, ka shkruar ajo në Facebook të martën. “Njëkohësisht, edhe neve na thanë qartë se duhet më shumë punë, më shumë seriozitet dhe më shumë përkushtim që të na shohin si zgjidhje”.
