Bajram Kastrati: Zgjedhjet komunale përcaktojnë përfaqësimin e drejtpërdrejtë të qytetarëve rreth problemeve të përditshme që ballafaqohen

Shkruan: Bajram Kastrati
Zgjedhjet komunale përcaktojnë përfaqësimin e drejtpërdrejtë të qytetarëve rreth problemeve të përditshme që ballafaqohemi me to.Qytetarët këtë mundësi të përzgjedhjes e kanë çdo katër vite, për këtë edhe duhet të jenë të kujdesshëm dhe të pavarur në qëndrime.
Tani po i ofrohemi fundit të mandatit të qeverisjes komunale. Në tetor të këtij viti do i kemi zgjedhjet komunale për kryetar dhe kuvendarë të Komunës.
Ndikimet politike të interesave të ngushta janë një hiq në krahasim me interesat tona shoqërore dhe shtetërore.
Qytetarë të dashur, njëherë e mirë duhet të ndalemi dhe të kuptojmë se një përfaqësues i joni në Asamblenë Komunale është një i deleguar, “argat” dhe i besueshëm i joni!
Dhënia e votës nga ndikimet qofshin ato politike apo të interesave të ngushta apo të vogla dhe jo interesave të përgjithshme shoqërore është një lloj vetëaksidenti.
Aleanca për Ardhmërinë e Kosovës, dega në Prizren është në përgatitje të listës së kandidatëve për Asamblenë Komunale.
Deri më tani kemi kandidatë të sferave të ndryshme profesionale.
Së shpejti do kemi edhe qëndrimin tonë rreth kandidatit për kryetar komune.
Bajram Kastrati, sekretar i Degës së AAK-Prizren.