Tre pjesëtarë të një familjeje nga Tirana, janë mbytur të dielën në det në Kavajë.
Siç është raportuar, babai 55-vjeçar bashkë me dy djemtë e tij të mitur rreth 13 dhe 15 vjeç kanë vdekur si pasojë e rrymave detare.
Shërbimet e Njësisë Policore Detare kanë ndërhyrë, por nuk kanë arritur t’i shpëtojnë viktimat.
“Më datë 09.07.2023, në plazhin Vilë-Boshtovë, duke notuar në det janë mbytur tre shtetas nga Shqipëria, pjesëtarë të së njëjtës familje (babai rreth 55 vjeç, dhe dy djemtë e tij të mitur rreth 13 dhe 15 vjeç). Shërbimet e Njësisë Policore Detare kanë ndërhyrë për t’i shpëtuar, por të tre shtetasit kishin ndërruar jetë si pasojë e rrymave detare”, ka njoftuar policia, raportoi “Euronews Albania”.
Në vendin e ngjarjes ndodhet grupi hetimor dhe po punon për sqarimin e plotë të rrethanave të ngjarjes.
