Kompania britanike-suedeze AstraZeneca dhe Universiteti në Oksford filluan me regrutimin e pjesëmarrësve për testim të vaksinës kundër Covid-19 në formë të spërkatësit për hundë.
Në fazën e parë të testeve do të marrin pjesë 30 persona të rritur fizikisht të shëndoshë deri 40 vjeç. Gjysma prej tyre do të marrin një doze të preparatit, ndërsa të tjerët dy doza.
Studimi do të zgjatë rreth katër muaj. Nëse faza e parë do të jetë e suksesshme, testet do të vazhdojnë me më shumë vullnetarë.
