Inflacioni ka arritur në mbi 14 për qind.
Sipas vlerësimeve të Agjencisë së Statistkave, produktet që janë shtrenjtuar më së shumti janë buka, drithërat, mishi, pemët dhe karburantet.
Sipas ASK-së rritje të dukshme kanë pasur edhe çmimet e drithërave, mishit, pemëve dhe karburanteve, krahasuar me qershorin e vitit të kaluar
Në raportin e publikuar më 12 korrik, thuhet se rritja e çmimit të karburanteve arriti në 15.4 për qind, krahasuar me muajin maj apo 67,3 për qind për dallim nga qershori i 2021-s.
“Buka dhe drithërat (1,1%), mishi (1,4%), pemët (3,0%), sheqeri, reçeli, mjalti, çokollata dhe ëmbëlsirat (2,2%), kafja, çaji dhe kakao (2,3), pijet alkoolike (1,5%), lëndët djegëse të ngurta, dru zjarri, pelet etj. (6,0%),mallrat dhe shërbimet për mirëmbajtjen e zakonshme të ekonomisë shtëpiake (1,8%), karburantet dhe lubrifikantët për pajisjet e transportit personal (15,4%), shërbimet për transport (5,9%), pushime të organizuara (4,1%), shërbimet hoteliere (2,3%)”, njofton Agjencia e Statistikave të Kosovës përcjell Klankosova.tv.