Deputeti i Lëvizjes Vetëvendosje, Artan Abrashi, është shprehur se shumë shpejt pritet të fillojë seanca për votimin për zgjedhjen e Presidentit të Kosovës.
Sipas tij, kontaktet dhe bisedat edhe me Lidhjen Demokratike të Kosovës kanë qenë të vazhdueshme.
“Ende normalisht vazhdojnë sepse e kemi obligim dhe përgjegjësi”, ka deklaruar ai, transmeton KlanKosova.tv.
“Kemi besim që sonte do të zgjidhet presidenti. Besoj që shumë shpejt deputetët do të mblidhen dhe tani veç presim. Ne kemi takuar të gjitha subjektet politike, jemi në kontakt të vazhdueshëm edhe me deputetët, përpos ftesës për reflektim, por kemi besim që sonte do të zgjidhet”.
