Policia e Kosovës ka arrestuar një shtetas nga Armenia për kalim ilegal të pikës kufitare në Vërmicë.
Rasti ka ndodhur më 18 mars, rreth orës 23:40, ku pas verifikimeve u konstatua se personi, M.Z. (i lindur në vitin 1984), kishte hyrë ilegalisht në Kosovë nga territori i Shqipërisë, pa vizë të nevojshme dhe duke shmangur kalimin nëpër PKK.
Policia e Kosovës bën të ditur se në momentin e ndalimit, janë gjetur disa lloje barnash dhe një shumë e konsiderueshme parash – 2,740 euro dhe monedha të huaja, përfshirë rubla ruse, paund sirian, libra libanezë dhe dollarë amerikan.
“Policia ka kërkuar ndihmën mjekësore për personin e ndaluar, ndërsa ka vazhduar me procedurat hetimore. Pas intervistimit, dhe në përputhje me aktvendimin e prokurorit, ai është dërguar në mbajtje për 48 orë për hetime të mëtejshme, thuhet në njoftimin e Policisë së Kosovës”, thuhet tutje në njoftimin e policisë.
