Policia e Kosovës ka arrestuar më 03.03.2025 një person të kërkuar për vjedhje të rëndë.
Sipas një njoftim të Policisë, policët e njësitit të realizimit të urdhëresave të stacionit policor Prizren-Veri, pas veprimeve operative –hetimore kanë arritur që të identifikojnë, të lokalizojnë dhe të arrestojnë të dyshuarin E.M., 50-vjeçar nga Krusha e Vogël.
Ndërsa është bërë e ditur se i njëjti ka qenë në kërkim pasi që ka qenë i dënuar me 8 muaj burg efektiv me vendim të plotfuqishëm të Gjykatës së Prizrenit.
Tutje thuhet se i arrestuari E.M. (50-vjeçar) fillimisht është sjellë në stacionin policor Prizren-Veri dhe më pas është dërguar në burg në vuajtje të dënimit.
Klikoni KËTU për tu bërë pjesë e kanalit të TV Prizreni në Youtube.
