Policia e Kosovës ka njoftuar se viktima e femër nga Prizreni, 24-vjeçare, raporton se qe nga muaji tetor i vitit 2024 e në vazhdimësi deri më 27.02.2025 , një i dyshuar (S.M. 23-vjeçar), nga Shqipëria i me qëllim të përfitimit të kundërligjshëm të dobisë pasurore për vete, kishte përdorur kanosjen për të detyruar viktimën të vepronte në dëm të pasurisë së saj.
“Pas pranimit të rastit, Sektori Rajonal i Hetimeve i Drejtorisë Rajonale të Prizrenit, nga prokurori i shtetit ka pranuar autorizim për ndërmarrjen e veprimeve hetimore, duke i zbatuar masat e veçanta hetimore Më 27.02.2025, rreth orës 18:00, zyrtaret policorë, janë venë në veprim për arrestimin e tij.
I dyshuari fillimisht nuk përfilli urdhrat e zyrtarëve policorë, ai është nisur me vrull me veturën e tij dhe gjatë ikjes rrezikon zyrtarët policorë dhe qytetarët përrreth dhe vazhdon ikjen ne drejtim te pikës kufitare ne Vermicë.
Zyrtarët policorë-hetuesit nga Sektori Rajonal i Hetimeve janë vënë në ndjekje dhe diku në afërsi të fshatit Vermicë kane arritur ta ndalonte veturën e të dyshuarit dhe të arrestojnë atë. I dyshuari pas arrestimit është sjell në SRH-Prizren dhe në prezence të avokatit mbrojtës është mbrojtur në heshtje. Për të gjitha veprimet është informuar prokurori i shtetit, i cili ka lëshuar aktvendim për ndalimin e të dyshuarit për 48 ore”, thuhet në njoftimin e policisë.