Policia e Kosovës ka njoftuar se ka arrestuar një person të dyshuar për tre vepra penale të natyrës “Vjedhje e rëndë” në Prizren, raporton Gazeta Sinjali.
Siç njofton Policia, më 23.07.2025, hetuesit e Stacionit Policor Prizren-Veri, në bashkëpunim me Prokurorinë Themelore në Prizren, kanë arritur të sigurojnë prezencën e F.M., 32 vjeç, nga Prishtina, i cili dyshohet për kryerjen e këtyre vjedhjeve.
Pas intervistimit në prani të avokatit mbrojtës, prokurori përgjegjës ka lëshuar një vendim për ndalimin e të dyshuarit, i cili është dërguar në paraburgim.
Policia ka njoftuar se veprimet hetimore janë zhvilluar në koordinim të plotë me organet e drejtësisë, duke respektuar procedurat ligjore dhe standardet profesionale të Policisë së Kosovës.
Klikoni KËTU për tu bërë pjesë e kanalit të TV Prizreni në Youtube.
