Të miturat janë viktimat më të shpeshta të ngacmimeve seksuale, sulmeve seksuale e dhunimeve në Kosovë. Raste të tilla dhe mjaft të trishta po tronditin familjet e tyre.
Për një rast të dhunimit ndaj një të miture kishte raportuar Gazeta Sinjali në tetor të vitit të kaluar.Ngjarja ishte zbuluar pasi vajza 14 vjeçare nga Prizreni, ishte raportua e zhdukur nga familja e saj, e cila dyshonte se vajza ishte dhunuar.Muaj më pas, siç merr vesh Gazeta Sinjali, për rastin është arrestuar i dyshuari.
Ai është kapur dje në Shqipëri dhe është 25 vjeçari: S. Ramanaj.Ndaj tij ishte lëshuar urdhër arrest dhe pas bashkëpunimit me autoritetet shqiptare, i njëjti është arrestuar në Shqipëri dhe më pas është ekstraduar në Kosovë.
Të dyshuarit i është caktuar masa e paraburgimit prej një muaji.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./GazetaSinjali/
Klikoni KËTU për tu bërë pjesë e kanalit të TV Prizreni në Youtube.
