Policia e Prizrenit ka njoftuar se më datën 04.12.2024, rreth orës 15:35, ka marrë një informacion nga Qendra e Komunikimeve se një i dyshuar (22 vjeçar, mashkull, shtetas shqiptar) ndodhej në një restorant në qendër të qytetit dhe mbante një mjet të dyshuar, i cili dyshohej të ishte një granatë dore.
Patrulla policore ka reaguar menjëherë dhe ka arritur të arrestojë të dyshuarin, si dhe të sigurojë mjetin e dyshuar. Në vendin e ngjarjes kanë dalë të gjitha njësitet përkatëse policore, të cilët kanë ndërmarrë veprimet e nevojshme.
Hetuesit rajonalë dhe prokurori kujdestar janë informuar për rastin dhe, me urdhër të prokurorit, është iniciuar një hetim. Po ashtu, është njoftuar edhe Forca e Sigurisë së Kosovës (FSK) për ngjarjen.
