Policia e Kosovës ka arrestuar një 62-vjeçar në Prizren, i cili kërkohej nga organet e drejtësisë për vuajtjen e një dënimi me burg për veprën penale “Mashtrim”.
Pas veprimeve operative dhe hetimore të realizuara nga njësiti për ekzekutimin e urdhëresave në kuadër të Stacionit Policor në Prizren, është bërë i mundur lokalizimi dhe arrestimi i personit me inicialet R.Q.
Sipas Policisë, ndaj tij ekzistonte një vendim i formës së prerë i Gjykatës Themelore në Prizren, me të cilin ishte dënuar me dy vjet e një muaj burg efektiv për veprën penale “Mashtrim”.
