Të shtunën është arrestuar edhe personi i katërt që dyshohet se është i përfshirë në vrasjen e Liridona Ademajt më 29 nëntor në periferi të Prishtinës, kanë konfirmuar burimet për KOHËN.
I dyshuari u arrestua në një fshat të Gjakovës. Ai dyshohet se është i përfshirë në sigurimin e armës, të cilën e shkrepi i dyshuari G.P., tashmë i arrestuar.
- Reklama -
Liridona Ademaj dyshohet se u vra me porosi të bashkëshortit të saj, Naim Murseli.
Murseli, së bashku me dy persona të tjerë, janë në qelinë e paraburgimit si të dyshuar për organizimin e vrasjes së 30-vjeçares.
Murseli dhe dorasi i dyshuar u arrestuan dy ditë pas vrasjes, më 1 dhjetor. Pak më vonë, po atë ditë, u arrestua edhe një person i tretë që ishte pjesëtar i Forcës së Sigurisë së Kosovës.
- Reklama -