Janë arrestuar mbrëmë nga policia dy zyrtarë të ATK-së.
Lajmi është konfirmuar përmes raportit 24 orësh të policisë, shkruan Reporteri.net.
Njëri nga të arrestuarit raportohet se është edhe Drejtori Rajonal i ATK-së në Gjilan, Alban Qerimi, i cili pastaj është liruar në procedurë të rregullt. Ndërsa zyrtari tjetër njoftohet se është dërguar në mbajtje.
Policia njofton se gjatë bastisjes në shtëpinë dhe zyrën e punës, janë sekuestruar para të gatshme, dy telefona, një shtëpizë kompjuteri, dy llap-top dhe disa dokumente zyrtare.
I njëjti bëhet e ditur se pas intevistimit është liruar.
“Njësitet policore të Drejtorisë për hetimin e krimeve ekonomike dhe korrupsionit-Prishtinë pas disa veprimeve hetimore në koordinim edhe me Prokurorinë Themelore në Gjilan, me 17.03.2021 kanë arrestuar njërin nga dy të dyshuarit meshkuj kosovar-zyrtar të ATK-së, nën dyshimin se kanë kryer veprën e cekur me lart. Po ashtu, gjatë bastisjes në shtëpitë dhe zyrat e punës së tyre, janë sekuestruar para të gatshme, dy telefona, një shtëpizë kompjuteri, dy llap-top dhe disa dokumente zyrtare. Me vendim të prokurorit, i dyshuari i arrestuar pas intervistimit është dërguar në mbajtje, ndërsa i dyshuari tjetër është liruar në procedurë të rregullt. Rasti vazhdon të hetohet”, thekson raporti.
Arrestimet janë konfirmuar edhe nga Prokuroria e Gjilanit.
“Me urdhër të Prokurorisë Themelore në Gjilan, është ndaluar një inspektor i ATK-së, për shkak të dyshimit se ka kryer veprën penale Marrja e ryshfetit, ndërsa drejtori i ATK-së është liruar në procedurë të rregullt”, thuhet në njoftim. /Reporteri.net
