Gjykata Themelore e Prizrenit në një komunikatë për media ka njoftuar se me datën 05.03.2025, Policët e njësitit të realizimit të urdhëresave  të Stacionit Policor Prizren pas veprimeve operative –hetimore kanë arritur që të identifikojnë, të lokalizojnë dhe të arrestojnë  personin e kërkuar A.A. , mashkull 31 vjeçar nga Prizreni.

I njëjti ka qenë në kërkim pasi që ka qenë i dënuar me 1(një ) vit dhe 45 ditë burg efektivë me vendim të plotfuqishëm të Gjykatës Themelore të Prizrenit.

I arrestuari është i dënuar me 1(një ) vit dhe 45 ditë burg për veprën penale “Vjedhje e rëndë” dhe “ Lëndim i lehtë trupor” .

I arrestuari  A.A. (31 vjeçar)  fillimisht është sjellë në stacionin Policor Prizren dhe më pas është dërguar në burg në vuajtje të dënimit thuhet në njoftim.