Prokuroria Themelore në Prishtinë njofton se ka ndaluar për 48 orë personat me inicialet S.B., R.M., H.N. dhe B.G., të cilët janë të angazhuar si punëtorë-instruktorë të një poligoni në Prizren.
Këta të katër dyshohen se kanë kryer veprën penale “Falsifikim i dokumentit zyrtar”, si dhe veprën penale “Rastet e posaçme të falsifikimit të dokumenteve”.
Sipas njoftimit të Prokurorisë, dyshohet se këto veprime janë kryer në vazhdimësi që ndërlidhen me rastin që është në hetim ndaj zyrtarëve në Ministrinë e Punëve të Brendshme (MPB).
Në mesin e personave të arrestuar është dhe një zyrtar policor.
I njëjti bashkë me dy të tjerë janë arrestuar me dyshimet për kryerjen e veprës penale “Falsifikim i dokumentit zyrtar”, ndërsa personi i katërt është arrestuar me dyshimet për kryerjen e veprës penale “Rastet e posaçme të falsifikimit të dokumenteve”.
Klikoni KËTU për tu bërë pjesë e kanalit të TV Prizreni në Youtube.
