Katër persona janë arrestuar në fshatin Serbicë e Ulët nga komuna e Prizrenit për kanosje dhe uzurpim të pronës.
Lidhur me rastin në fjalë ka njoftuar Policia e Kosovës, ku bëhet e ditur se raportimi i parë ka ndodhur me datë 28 tetor dhe bëhet fjalë për një pjesë toke bujqësore.
- Reklama -
“Të dyshuarit H.SH dhe djali i tijë F.SH kishin hyrë ( e kishin uzurpuar) një parcelë ( toke bujqësore) duke e livruar të njëjtën me traktor. Lidhur me parcelën në kontest, të dyshuarit dhe i dëmtuari e kanë në shqyrtim një lëndë në Gjykatën Themelore ne Prizren. Në bazë të dokumenteve valide ( Liste poseduese) e lëshuar nga organet kompetente kjo parcelë figuron në emrin e te dëmtuarit Z.G, përderisa të dyshuarit pretendojnë se parcela është e tyre dhe të njëjtën e shfrytëzojnë qe plot 70 vite”, thuhet tutje në postimin e Policisë së Kosovës.
Si “Uzurpim i kundërligjshëm i pasurisë se paluajtshme “ është konsideruar kjo vepër penale nga Prokurori i Shtetit (kujdestar), ku me këtë rast të dyshuarit F.SH i shqiptohet masa e ndalimit për 48 orë.
Më datë 29 të këtij muaji policia ka bërë të ditur se rasti është përsëritur dhe ka eskaluar edhe në “Kanosje” në mes të palëve te përfshira.
Pas inicimit te rastit, u shqiptohet masa e ndalimit policor edhe te dyshuarëve:
H.SH, M.SH dhe I.SH dhe kundër të njëjtëve është ngritur kallëzim penal për kryerje të veprës penale “Uzurpim i paligjshëm pasurisë se paluajtshme” dhe “Kanosje”.
Hetimet lidhur me këto raste janë duke u kryer nga ana e Sektorit të hetimeve të Stacionit Policor Prizren – Veri.
- Reklama -