Policia e Kosovës ka njoftuar se më datën 29.04.2026, rreth orës 19:20, është njoftuar për një rrahje mes disa personave në rrugën “Edit Durham” në Prizren, ku dyshohet se është përdorur edhe mjet i mprehtë (thikë).
Rasti është konfirmuar nga zëdhënësi i Drejtorisë Rajonale të Policisë në Prizren, Shaqir Bytyqi.
Sipas njoftimit, me të arritur në vendin e ngjarjes, është konstatuar se një person mashkull, 16-vjeçar, ka pësuar lëndime nga mjet i mprehtë dhe i njëjti është dërguar në Spitalin Rajonal të Prizrenit për trajtim mjekësor.
