Drejtoresha ekzekutive e Spitalit të Përgjithshëm “Prim.Dr.Daut Mustafa” Prizren, Dr. Narqize Arënliu Hoxhaj, me rastin e 8 Marsit – Ditës Ndërkombëtare të Gruas, sot ka vizituar disa nga gratë e hospitalizuara në këtë spital, duke ju dhuruar nga një lule në shenjë respekti dhe urimi për nder të kësaj dite.
“Në këtë ditë të rëndësishme, dera e urimeve është e hapur për çdo nënë dhe çdo grua. 8 Marsi është një mundësi për të reflektuar më shumë për statusin e gruas, të drejtat e barabarta në shoqëri dhe respektin ndaj tyre”, – tha drejtoresha Hoxhaj.
Drejtoresha ekzekutive nga një lule i ka dhuruar edhe punonjësve të spitalit, duke i falënderuar për punën, angazhimin, kontributin dhe përkushtimin në punë, shoqëri dhe familje.
