Njoftimi i tarifave të reja nga presidenti amerikan Donald Trump javën e kaluar po shkakton shqetësim serioz në selinë e Apple në Cupertino, Kaliforni. Gjiganti teknologjik, që është prodhuesi më i madh në botë i pajisjeve elektronike të konsumit, përballet me sfida të mëdha për shkak të varësisë nga Azia për prodhimin e iPhone, Mac, AirPods dhe iPad, shkruan Gazeta Sinjali.
Produktet e Apple janë të dizajnuara në Kaliforni, por montohen kryesisht në Kinë – një vend që aktualisht është goditur më së shumti nga lufta tregtare e nisur nga Trump.
Sipas vlerësimeve të Evercore ISI, “80% e kapacitetit të prodhimit të iPhone është në Kinë dhe 90% e iPhone-ve janë montuar në atë vend.” Kjo e vendos Apple në një pozitë të vështirë, pasi tarifat e reja mund të arrijnë deri në 54% për produktet e importuara nga Kina.
Ekspertët paralajmërojnë se kostoja për konsumatorët mund të rritet ndjeshëm.
“Në një analizë thuhet se çmimi i një iPhone të ri në SHBA mund të hidhet në 2300 dollarë për shkak të tarifave të reja”, ka transmetuar CNBC.
Po ashtu, vetëm kostoja e prodhimit të iPhone 16 ka pësuar rritje.
“Çmimi i prodhimit të vetë iPhone 16 u rrit, versioni 256 GB do të shkonte nga 550 në të paktën dollarë amerikanë, sipas analizave të ekspertëve.”
Tarifat e vendosura nga administrata Trump mund të ndikojnë direkt në çmimin final që do të paguajnë klientët amerikanë.
“Tarifat e Trump mund të rrisin çmimet e iPhone me 44% – pra nga 1,599 dollarë në 2,300 dollarë për Pro Max.”
CNBC gjithashtu raporton mbi ndikimin e kostove të prodhimit.
“iPhone 16 fillimisht mund të kushtojë 350 dollarë, por çmimet me siguri do të ‘shpërthejnë’.”
Sipas të dhënave teknike të përbërjes së pajisjes: Një ekran i prodhuar në Korenë e Jugut kushton saktësisht 37.97. Bateria nga Kina 4,10 dollarë. Një modem korean 5G kushton 26,62, memoria 21,80, ruajtja e prodhuar në Japoni 20,59 dhe një kamerë japoneze 126,95. Këllëf iPhone nga Tajvani 20.79, dhe të gjithë komponentët e tjerë 200 dollarë e gjashtë”.
Me përshkallëzimin e luftës tregtare dhe përjashtimin e Kinës nga pauza 90-ditore e tarifave, Apple mund të gjendet përballë një sfide që jo vetëm do të rrisë çmimet, por edhe do të testojë strategjinë e saj globale të prodhimit.