Gjykata e Apelit ka sqaruar procedurën dhe afatet ligjore lidhur me shqyrtimin e ankesave ndaj vendimeve për caktimin apo vazhdimin e paraburgimit, duke theksuar se këto raste trajtohen me superprioritet dhe urgjencë, në përputhje me dispozitat e Kodit të Procedurës Penale (KPP) dhe instrumentet ndërkombëtare për të drejtat dhe liritë themelore të njeriut.
Në përgjigjen e gjykatës thuhet se sipas KPP-së, Apeli vendos për ankesat ndaj vendimeve për caktimin apo vazhdimin e paraburgimit brenda afatit 72-orësh nga paraqitja e përgjigjes në ankesë apo nga skadimi i afatit për paraqitjen e saj.
