Ambasadori i Shteteve të Bashkuara të Amerikës, Christopher Hill, tha sot se Serbia ka nevojë për diversifikim dhe largim nga Rusia për sa i përket furnizimit me energji.
Hill, duke iu përgjigjur pyetjes së një gazetari se si e sheh ai marrëveshjen ndërmjet Serbisë dhe Hungarisë për ndërtimin e një tubacioni nafte që do t’i mundësonte Serbisë të furnizohej me “naftë më të lirë nga Uralet duke u lidhur me tubacionin e naftës Druzhba”, gjë që u konfirmua nga autoritetet hungareze, tha se nuk është në gjendje të komentojë për këtë sepse nuk i di detajet, por se Serbia duhet të largohet nga Rusia në çështjen e burimeve të energjisë.
