Ambasadori spanjoll në Serbi, Raul Bartolomeo Molina, ka deklaruar sot në një takim se ishte e nevojshme të formohej Asociacioni i Komunave me Shumicë Serbe në Kosovë në mënyrë që të kishte normalizim marrëdhëniesh mes Beogradit dhe Prishtinës.
Këto deklarata ambasadori i shtetit mos-njohës të Kosovës i bëri pas takimit që kishte me kryetarin e Komitetit për Punë të Jashtme në Asamblenë Kombëtare, Borko Stefanoviqin.
Siç thuhet në njoftimin e Kuvendit të Serbisë, Bartolomeo ka shtuar se Bashkimi Evropian mbështet këtë propozim për vazhdimin e dialogut, raporton Kosovo-Online.
Stefanoviqi, që dikur kishte qenë kryenegociator i Serbisë, falenderoi diplomatin spanjoll për (sic) mbështetjen aktive të Spanjës për integritetin territorial dhe sovranitetit të Serbisë.
Molina i ka kërkuar Serbisë po ashtu që të harmonizojë politikën e jashtme të saj me atë të BE-së për t’i vënë sanksione Federatës së Rusisë.
Klikoni KËTU për tu bërë pjesë e kanalit të TV Prizreni në Youtube.
