Ambasada e SHBA-së në Kosovë ka nxjerrë paralajmërim për qytetarët amerikanë, duke u bërë thirrje të tregojnë kujdes të shtuar për shkak të tensioneve dhe rreziqeve globale.
Amerikanët këshillohen të ndjekin udhëzimet e sigurisë nga ambasadat dhe konsullatat dhe të jenë vigjilentë, veçanërisht në Lindjen e Mesme.
“Kujdes në mbarë botën: Departamenti i Shtetit këshillon amerikanët në mbarë botën, dhe veçanërisht në Lindjen e Mesme, të ushtrojnë kujdes të shtuar. Amerikanët jashtë vendit duhet të ndjekin udhëzimin në sinjalizimet e sigurisë të lëshuara nga ambasada ose konsullata më e afërt amerikane. Mbyllja periodike e hapësirës ajrore mund të shkaktojë ndërprerje të udhëtimit. Objektet diplomatike amerikane, përfshirë jashtë Lindjes së Mesme, janë vënë në shënjestër. Grupet mbështetëse të Iranit mund të synojnë interesa të tjera amerikane jashtë shtetit ose vende të lidhura me Shtetet e Bashkuara dhe/ose amerikanët në të gjithë botën” – thuhet në njoftim.
