Presidenti serb, Aleksandar Vuçiq ka folur rreth paralajmërimit të kryeministrit Albin Kurti për padi ndaj Serbisë për gjenocidin e kryer në luftën e fundit në Kosovë.

Ai e ka porositur Kurtin që të mos kërcënojë, duke shtuar se ky i fundit nuk është i gatshëm për dialog.

Vuçiq në një intervistë për Tv Pink ka thënë se dialogu është më i mirë se çdo plumb i shtënë.

“Këtu i them që të mos kërcënojë, ai mund të padisë, por kjo tregon se ai është kundër dialogut. Vlen të shkosh në Bruksel sepse çdo bisedë është më e mirë se një e shtënë”, ka thënë ai.

Duke folur për dialogun ai ka thënë se ditët në vazhdim nuk do të jenë të lehta.