Aktakuzë për arkëtaren e Spitalit të Prizrenit, vodhi rreth 5 mijë euro

Prokuroria Themelore e Prizrenit ka ngritur aktakuzë ndaj të pandehurës, F.G, nën dyshimin e bazuar se ka kryer veprën penale “Përvetësim në detyrë”.

Sipas aktakuzës e pandehura në cilësinë e zyrtares financiare dhe arkëtares në Spitalin e Përgjithshëm të Prizrenit nga 28 qershori i vitit 2022 deri më 12 gusht 2022 prej reparteve të Oftalmologjisë, Dializës dhe Emergjencës, në arkë ka inkasuar para në vlerë prej 36,143.38 euro ndërsa në xhirollogarinë e spitalit ka deponuar vetëm 31,385.00 euro dhe kësisoj thuhet se ka përvetësuar shumën prej 4,758.38 euro.

“Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, e pandehura e lartcekur për veprën penale për të cilën akuzohet të shpallet fajtore dhe të dënohet sipas ligjit”, thuhet në njoftimin e Prokurorisë.

Aktakuzë për arkëtaren e Spitalit të Prizrenit, vodhi rreth 5 mijë euro

Të tjera nga rubrika

Publikohet formacioni i Kosovës për ndeshjen ndaj Irlandës

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve