Një person ka vdekur sot me 02.03.2025  si pasojë e një vetë-aksidenti në fshatin Llazicë të Malishevës, në rrugën Prishtinë – Pejë.

Lajmin për KALLXO.com e ka konfirmuar zëdhënësi i Policisë për rajonin e Gjakovës, Sheremet Elezaj.

Ai ka bërë të ditur se aksidenti ka ndodhur rreth orës 12:55, ku dyshohet se drejtuesi i veturës ka humbur kontrollin dhe është vetë-aksidentuar.

“Policia ka dalë në vendin e ngjarjes ku dyshohet se drejtuesi i një automjeti ka humbur kontrollin dhe është vet-aksidentuar. Si pasojë, ngasësi, një mashkull i moshës madhore, ka humbur jetën, ndërsa vdekja e tij është konstatuar nga ekipi mjekësor. Me vendim të prokurorit të shtetit trupi i pajetë i viktimës dërgohet në IML” – ka konfirmuar Elezaj.