Agron Qalaj është rizgjedhur në pozitën e ushtruesi të detyrës së Kryeprokurorit të Shtetit në një mbledhje të jashtëzakonshme të mbajtur nga Këshilli Prokororial i Kosovës më 22.12.2025.
Me 5 vota për dhe vetëm një kundër (nga Dardan Vuniqi) ai është zgjedhur sërish në këtë pozitë.
Ky votim erdhi pasi Besim Kelmendi ka dërguar një letër në KPK, ma anë të së cilës ka kërkuar lirimin nga detyra e u.d të Kryeprokurorit të Shtetit.
Kërkesa e Kelmendit është votuar në KPK me 6 vota për dhe asnjë kundër, po ashtu më 22.12.2025.
Kelmendi këtë pozitë e kishte ushtruar që nga 22.04.2022 deri më 22.12.2025.
Ai ishte shkarkuar më 20.11.2025 nga kjo pozitë me 5 vota për, derisa vetë i pesti ishte larguar nga ajo mbledhje.
Në po atë mbledhje ishte emëruar Agron Qalaj si U.d Kryeprokuror i ri.
Kelmendi rastin e kishte quar në Gjykatë Supreme dhe në Gjykatë në departamentin për çështje Administrative.
Emërimin e Qalajt në pozitën e Ushtruesit të detyrës së Kryeprokurorit të Shtetit, Supremja e kishte konsideruar si të kundërligjshëm.
Kjo gjykatë, më 16.12.2025 ka nxjerrë vendim me të cilin ka konstatuar se vendimi për shkarkimin e u.d Kryeprokurorit të Shtetit Besim Kelmendi me datë 20.11.2025 ishte i kundërligjshëm meqë nuk kishte kuorum.
Kelmendi kishte paraqitur padi në Gjykatën e Prishtinës përmes të cilës ka kërkuar që të vendoset masa e sigurisë nga Gjykata dhe i ka kërkuar Gjykatës që ta anulojë vendimin e KPK-së, që sipas tij, është i kundërligjshëm. Gjykata e Prishtinës- Departamenti për çështje administrative nuk kishte vendosur masë të sigurisë për këtë rast./KALLXO.com