Gjykata Themelore e Prishtinës të enjten ka vendosur që kryetarit të Federatës së Futbollit të Kosovës, Agim Ademi, t’i caktohet masa e arrestit shtëpiak për një muaj.
Ademi në Gjykatë u shoqërua me ambulancë.
Të mërkurën, atij iu caktua masa e ndalimit për 48 orë. Ai dyshohet për keqpërdorim të buxhetit në FFK.
Por natën e kaloi në Qendrën Klinike Universitare të Kosovës për shkak të gjendjes jo të mirë shëndetësore.
Agim Ademi ditë më parë u lirua nga akuzat për një rast të ndodhur shumë vjet më parë e që nuk ishte i lidhur me futbollin.
