Dega e Aleancës Kosova e Re, ka propozuar, Afrim Tejeci, kandidat për kryetar të Prizrenit. Një gjë e tillë është bërë e ditur përmes një njoftimi në faqen zyrtare të degës së AKR- Prizren.
Komunikata e plotë:
Në vazhden e aktiviteteve për përgatitjen për zgjedhjet lokale që na presin, dega e Aleances Kosova e Re Prizren(AKR), mbajti një takim punues me kryesinë e saj nën drejtimin e U.D. të Kryetarit të degës Z. Shpend Shuki. Në këtë takim njëzërit u perkrah kandidatura e aderuesit në AKR , Z Afrim Tejeci, Kryetar i Odës së Ndërmarrësve dhe Zejtareve të Prizrenit, për Kryetar të qytetit historik të Prizrenit.
Duke u bazuar në kontributin e tij si ndërmarrës dhe veprimtarë, Afrim Tejeci është personaliteti më adekuat për poziten e të parit të qytetit historik. Prizreni ka nevojë për menaxher dhe vizionar, për t’i zgjidhur problemet e grumbulluara dhe ato të përditshmet e qytetit dhe te qytetarëve. Afrimi me programin e tij do të krijoj kushte për ardhjen e sa mē shumë investimeve nga jashtë, për ta ngritur Prizrenin në nivel të qyteteve të shtetëve evropiane. Afrimi do ta ketë mbështetjen e fuqishme të Presidentit të AKR-ës, njëherit edhe biznismenit dhe humanistit më të njohur Shqiptar.