Aeroporti i Stambollit ka marrë kryesimin në Evropë sa i përket numrit më të madh të fluturimeve.
Sipas raportit të Organizatës Evropiane të Sigurisë së Navigacionit Ajror (EUROCONTROL), Aeroporti i Stambollit javën e kaluar ka pasur më së shumti fluturime, me mesatare prej 501 fluturimesh në ditë, shkruan Indeksonline.
Aeroporti i Parisit, “Charles De Gaulle” ishte i dyti me një mesatare prej 436 fluturimesh, ndërsa i treti është Aeroporti i Amsterdamit me mesatare prej 435 fluturimesh në ditë.
Aeroporti i Frankfurtit ka rënë në pozitën e katërt me 398 fluturime në ditë, ndërsa ai i Madridit në pozitën e pestë me 348 fluturime në ditë./Indeksonline/
