Kryetari i Lidhjes Demokratike të Kosovës, Lumir Abdixhiku, ka thënë se e mirëpresin ftesën e presidentes Vjosa Osmani dhe përfshirjen e saj në këtë proces.
Ajo ka thënë se ka një aktgjykim të Kushtetueses që është shumë i qartë sa i përket mënyrës së votimit, por mbi të gjitha është i qartë sa i përket thelbit të problemit.
“Thelbi i problemit është që i takon partisë së parë, që të propozojë, por edhe të krijojë shumicën parlamentare. Në këtë vijë ne presim që zgjidhja të bëhet nëpërmjet insistimit për shumicë politike e pastaj për respektim të domosdoshëm të procedurave kushtetuese. Ne kemi një aktgjykim që thotë se zgjedhja e kryeparlamentarit bëhet sipas praktikave të deritanishme. LDK-ja nuk ka çështje të emrave sa i përket kandidatit, ka qëndrim parimor dhe me vullnet e bindje dëshiron të votojë kundër kandidatëve të VV-së’, ka thënë ai.
