“Kur shteti bllokohet, qytetet si Suhareka mbeten pa investime, projekte dhe përkrahje”, ka deklaruar i pari i LDK-së, njëherësh kandidati për Kryeministër Lumir Abdixhiku, gjatë tubimit në Suharekë.
Ai kritikoi çasjen e qeverisë në detyrë karshi zhvillimit, dhe jo vetëm.
- Reklama -
“Viti i fundit ka qenë vit i bllokadës institucionale, ndërsa pesë vitet e fundit kanë qenë vite të humbura për Kosovën. Institucionet janë paralizuar. Vendimmarrja është bllokuar”, tha ai.
Abdixhiku po ashtu potencoi se konfliktet politike dhe shkeljet kushtetuese kanë prodhuar pasiguri.
I njëjti, po ashtu është shprehur dhe në rrjetin social Facebook për takimin me qytetarët e kësaj komune, duke theksuar se zotimet e tij kryesore janë si mësim tërëditor, çerdhe të reja, paketën për të porsalindurit, pensione 300 euro, paga 1000 euro për mësuesit dhe investime të mëdha në rrugë, energjetikë, turizëm dhe bujqësi.
- Reklama -