Aleanca për Ardhmërinë e Kosovës (AAK) dega në Prizren, ka ngushëlluar familje e mjekut dhe ish-ushtarit të UÇK-së Dr. Ahmet Goçaj.

“Me pikëllim e pranuam lajmin për ndarjen nga jeta të veteranit të UÇK-së Dr.Ahmet Goçaj i cili ishte mjek në kohën më të lavdishme të kombit tonë në kuadër të Brigades 125 të zonës operative të Pashtrikut. Kontributin e tij e vazhdoj edhe më tutje pas përfundimit të luftës në Trupat Mbrojtëse të Kosovës dhe duke vazhduar në shërbim popullit si mjek deri në ndarjen nga kjo botë. Lavdi!”, ka shkruar AAK në një telegram ngushëllimi.