Kryeministri i Kosovës, Albin Kurti, është duke vazhduar vizitën e tij zyrtare në ShBA.
Tash e dhjetë ditë, Kurti ka zhvilluar takime të ndryshme atje, duke kërkuar mbështetje në zhvillimin ekonomik dhe jo vetëm.
Gjatë vizitës në ShBA, ai u takua me Guvernatoren e Iowa-s, Kim Reynolds, me të cilën bisedoi për mundësi të reja bashkëpunimi.
Për mundësitë e bashkëpunimit dhe shkëmbimit të ekspertizës në fushën e bujqësisë, zhvilloi takim me Sekretarin e Bujqësisë së Iowa-s, z. Mike Naig
Ndërkaq, së bashku me Ryan Carroll nga Greater Des Moines Partnership, përuruan hapjen e Shërbimeve Konsullore të Republikës së Kosovës.
Në kuadër të bashkëpunimit në sektorin e arsimit, është pritur nga presidenti Rob Denson i Des Moines Area Community College, i cili ndau bursa të plota për 10 studentët e tij të parë nga Kosova.
Në kuadër të vizitës në ShBA, kryeministri Kurti ka realizuar një takim edhe me themeluesin dhe drejtorin ekzekutiv të kompanisë UCX dhe po ashtu edhe me bashkatdhetarët në Çikago të Illinois.
Por mbetet të shihet nëse do ta takojë edhe biznesmenin kosovar, që në zgjedhjet e 14 shkurtit të 2021-tës, premtoi miliona euro investime në Kosovë, në rast se fitonte Kurti.