Sot është mbajtur manifestimi kryesor për nder të 7 Marsit, Ditës së Mësuesit, ku u nda edhe çmimi “Shaban Jashari” për mësimdhënësin e dalluar.
Ky çmim iu nda mësimdhënëses nga Rahoveci, Merita Gashi.
Ndërkaq u ndanë mirënjohje edhe për nga një mësimdhënës për secilën komunë të vendit.
Aty e pranishme edhe ministrja e Arsimit, Shkencës, Teknologjisë e Inovacionit, Arbërie Nagavci e cila tha se shpreh mirënjohje për mësuesit që kontribuuan në zhvillimin e arsimit të Kosovës.
“Jemi bashkë të shënojmë këtë ditë të veçantë, ditën kur ne shprehim mirënjohje të thella për mësuesit tanë… Mësimdhënësit shqiptarë kishin edhe mision të rëndësishëm t’i mësojnë gjeneratat që të mos nënshtrohen por të luftojnë për liri e jo për robëri… Sot dhe çdo ditë përkulemi para mësimdhënësve, përgjithmonë edhe para veprës së mësimdhënësve që dhanë jetën për liri, duke u bërë frymëzim i përhershëm për ne”, ka thënë Nagavci.