Presidentja Vjosa Osmani është takuar me kryetarin e Bashkësisë Islame të Kosovës, Myftiun Naim Tërnava.
Ajo theksoi rolin e rëndësishëm që BIK-u luan në promovimin e respektit të ndërsjellë ndërmjet besimeve e feve të ndryshme në Kosovë, derisa vlerësoi bashkëpunimin e mirë mes bashkësive fetare në promovimin e vlerave tradicionale të bashkëjetesës fetare.
- Reklama -
Osmani potencoi në veçanti kontributin pozitiv të BIK në përçimin e mesazheve tek qytetarët e Kosovës në situatën e rëndë të përballjes me pandeminë.
Tërnava e uroi Presidenten Osmani për marrjen e detyrës dhe i ofroi bashkëpunim dhe mbështetje në realizimin e projekteve në të mirë të qytetarëve të Republikës së Kosovës.
- Reklama -