Kryeministri në detyrë, Avdullah Hoti thotë se pjesëmarrja e FSK-së në misione paqeruajtëse me SHVA-të është ndër hapat më të rëndësishëm historik.Hap ky drejt integrimit në strukturat euroatlantike, përcjellë Gazeta Blic.Postimi i tij i plotë:
Ndjehem vërtetë i privilegjuar që në mandatin e kësaj qeverie, kontingjenti i Forcës së Sigurisë së Kosovës, zbarkoi në misionin e parë paqeruajtës në Kuvajt, bashkë me Gardën Kombëtare të Ajovës.
Pjesëmarrja në misione paqeruajtëse, bashkë me aleatin tonë kryesor strategjik SHBA-të, është ndër hapat më të rëndësishëm historikisht, që ka bërë Kosova si shtet dhe si Forcë e Sigurisë, drejt integrimit të plotë në strukturat euroatlantike.
Gjithmonë krenar me djemtë dhe vajzat e FSK-së!
- Reklama -