Javën e fundit në vend ka pasur rritje të numrit të të infektuarve me COVID-19 për 26%, raporton “Zeri.info”.
Kështu ka bërë të ditur në mbledhjen e Komitetit për koordinim dhe vlerësim të situatës me COVID-19 ministri i Shëndetësisë, Armend Zemaj.
“Situata këtë javë tregon se ka rritje të rasteve për 26%. Sot në vlerësim të masave apelon te qytetarët në respektim dhe t’i ndërmarrin të gjitha masat e nevojshme. Ky detyrim ligjor rrjedh nga detyrimet e ligjit për zbatimin e masave të përgjithshme. Në situatën që ndodhemi është e domosdoshme të respektohen nga të gjithë distanca fizike, ajrosja e lokaleve”, tha Zemaj.
Ai po ashtu theksoi se humbja nuk është opsion dhe se parandalimi i koronavirusit deri më tani ka pasur sukses dhe tani e tutje duhet të vazhdohet me disiplinë.
“Humbja për neve nuk është opsion dhe nuk do të ndalemi asnjëherë. Parandalimi deri më tani pati sukses duhet të vazhdojmë me disiplinën dhe me rëndësi është që të gjithë së bashku, Policia, përfaqësues, ta bëjnë punën sipas detyrimeve ligjore, duhet të vazhdojmë me këtë disiplinë deri në pritjen e vaksinës”, deklaroi Zemaj. /Zëri