Java nis me mot të vranët dhe reshje shiu e bore

Dita e hënë do të karakterizohet me kushte të paqëndrueshme atmosferike, duke sjellë mot kryesisht të vranët dhe me reshje.

Sipas parashikimeve të Institutit Hidrometeorologjik të Kosovës, reshjet pritet të jenë të intensitetit mesatar deri në të lartë, ndërsa në zonat malore nuk përjashtohet mundësia e reshjeve të shiut dhe borës.

“Moti i vranët dhe me shi. Reshjet parashihen të jenë të intensitetit mesatar deri të lartë, ndërsa në viset malore parashihet shi me borë. Temperaturat minimale:3 deri 5°C Temperaturat maksimale: 6 deri 8°C. Era: Kryesisht nga juglindja me shpejtësi 1-5m/s”, thuhet në njoftimin e IHMK-së.